هاشيم ترلان شهيد شئيخ محممد خييابانی توپلانتيسيندا

چکدين قيلينجيني قينيندان ائرکن،
قينينا قويمادين عؤمرون بويونجا.
دئه، کيمين اليله يوغرولدون صفر!
اوجاباش داغلاردان داياندين اوجا.

دؤزومو کيملردن اؤيره ندين بئله؟
زيندانلار اريدي، اريمه‌دين سن.
بيليره م عيللتي اينامين اولدو،
اليني بوينونا ساريمادين سن.

آيلاري ايللره دويونله ‌ديکجه،
باخمادين اطرافين شپه‌دي، قاردي.
قارالار يوردونون قارا قارتالي
"نئلسون" ‌دا عزمينه حسد آپاردي.

ساغ الينده باهار ، سول الينده قيش،
يوللاري قولونا ساريدي گلدي.
او سني اؤزوندن ووقارلي گؤردو،
تئليني تئلينه دارادي گلدي.

جواندين گونشي سئودين، وورولدون،
گوناهدير دئديلر... قفسدير يئرين.
اوتوز ايکي باهار اؤتدو... سن آزاد
يئنه‌ده ووقارين دريندن- درين.

روزگار مؤحنتين آلدين چيينينه
اوزو آغ ياشادين، صفرخان اولدون.
او گون کي قوشولدون ابدييته،
يئني‌دن دوغولوب قهرمان اولدون.

نه‌دير بو ايزديهام، نه‌دير بو غؤوغا؟!
سانکي بير اوردونون مغرور سسي‌دير
دئديلر فيرقه‌نين ايگيد اوغلونون-
الويداع مارشي‌نين ترانه‌سي‌دير.

ديوارا سؤيکه ‌نه ن آرخاسيز قالار،
اوچولسا، اوميدي اوندان گئن دوشه ر.
سن داغا سؤيکه ندين بابک'يم کيمي
بوزدون دوداغيني اوياناندا شر.