شئیخ محمد خییابانی'نین ایتگین مزاری

شئیخ محممد خییابانی'نین ایتگین مزاری

بی اوغلان

بیر میللتدن سؤز دوشه نده او میللتین کیملییینی و آزاد یا قول اولدوغو یادا دوشور. آزادلیقدان سؤز دوشه نده بو آزادلیغین نئجه اله گلمه سی و دوروسی کی اینقیلاب سؤزو اینسانین دوشونجه سینده سوووشور.

آذربایجان'دا نئچه اینقیلابلار اولوب اونلارین بیریسی ده شئیخ محممد خییابانی'نین لیدئرلییینده اولان اینقیلابدیر. شئیخ محممد'دن سؤز گئده نده نه بیر اینقیلابی آدام کی بیر گئنیش دوشونجه لی و دونیا اوزه رینده تانینمیش بیر کیشی اینسانلارین یادینا دوشور. اونون یاشاییشی ،آپاردیقلاری موباریزه لر اؤزلویونده بیر بؤیوک مجال ایسته ییر ، پس گره کلیدیر بو یوجه اینسانی یاخشی تانیییب، چوخلو ائحتیرام اولونا. آمما نه یازیق کی چوخلاریمیز نه تکجه اونون یاشاییشیندان خبرسیز قالمیشیق بلکه اونون قبری و مزاری نه تهرده اولدوغو هئچ کیمی ماراقلاندیرمیر!

تبریز'ین قوجامان اؤولادلاریندان شئیخ محممد'ین قبری بیر چوخ ایتگین شاعیر و بیلیم آدامینین مزاری کناریندادیر. اونون مزاری مقبره الشعرا-یی تبریز'ده یئر آلیب. آمما نه یاریق کی یاشاییشی کیمی قبری ده ایتگینلییه و یادداشلاردان سیلمک آماجیلین بو قده ر بؤیوک و یوجه اینسانا لاییق اولمایان بیر یئرده قرار تاپیبدیر.

ایللر بویودور کی تبریز'ین مقبره الشعراسی اوناریلماق حالیندا (ایراندا ان اوزون عؤمورلو بلدییه لر ایشلریندن بیریدیر, 1352دن بیر تورلو بورانین اونارما و رئستوره سی قورتولمور!!!) بیر بؤلومو ده آغاجلار اکیلیب, کردیلر دوزه لدیلمکده دیر. ماراقلی بوراسیدیر کی شئیخ محممد'ین مزاری دا بو کردیلرین بیرینده دیر! گؤره سن اولمازدی مقبره الشعرا اوناریملاری بو بؤیوک اینسانین مزاریندان بیر نئچه مئتیر اویانلیق کردی دوزه لده یدیلر.

گؤره سن اولمازیدی شئیخ'ین قبرین بیر پارچا داشدان دوزه لدیب اوستونده بیر یازی یازایدیلر؟؟؟هئچ اولمازسا روسجا!! یا عربجه!!اینگیلیزجه!!حتتا پارسجا!!! (تبریز'ین قونقا میدانیندا قونقا تانیتدیرما تابلولاری بو دیللرده دیر!!!)

bey_oqlan@yahoo.com